ایمسال ببي سال ٚ سۊ

ایمرۊ ۱۵۹۲ نؤرۊز ما یکؤمه؛ شيمه نؤ سال ؤ نؤرۊز ؤ نؤرۊزبل مۊبارک ببۊن. ديشؤ، اؤمام ٚ مئن (املش ٚ یلاق) صد ؤ چن نفر مرد ؤ زن ؤ زأک نؤرۊزبل’ جشن بیتن ؤ سال’ تازه واگۊدن. یکته پیله تش دچئن ؤ خؤندگي بۊدن ؤ شؤچره بۊخؤردن. اؤمام ٚ جوؤنؤن، دببه دسأگیتن ؤ بۊخؤندن. اۊشؤنم گه ايرأ اۊرأر ٚ جي بمأ بۊن بۊخؤندن.

راستي اینم بشتؤسم گه ديشؤ تهرؤن ٚ مئنم چنته زأکؤن نؤرۊزبل بیتن. دمشؤن گرم. یپاره جغلأنم دۊمأرته شفیلد ٚ مئن (اینگیلیس ٚ مئن) تش دچئن ؤ نؤرۊزبل بیتن. أمه نؤرۊز ٚ يکته قشنگي هينه گه هر سال يپاره غير ٚ گيلکم أمئه شادي مئن شريکه. کۊرد ؤ فارس ؤ تۊرک ؤ… دئه اينأجي خؤجيرتر چي خأنيم؟

شيمه نؤ سال مۊبارک ببۊن. مهربؤني بکۊنيم.

عکسؤن کاوه مظفري جي.

نویسنده: ورگ

ائره گيلکؤن أجي نيويسنم؛ مي خلق أجي نيويسنم کي مي همأ همزبؤنن ؤ يکته سامؤن بمتيم. مي سامؤن أجي نيويسنم کي کاسپي دريا ی ٚ ورجه، جيرا گيلؤنه، جؤرا ألبۊرز. أگه خأنين مي همرأ گب بزنين اين مي ايمٚیل‌ ‌ nobodyvrg[at]gmail.com

4 دیدگاه برای “ایمسال ببي سال ٚ سۊ”

  1. سلام ورگ، تي نؤسال مۊوارک ببه. أگه تفسير کتاب الله ؤ مقامات حريري پي دي اف’ دأري لۊطفن بنه.

    1. سلام رافا جؤنی. تي نؤرۊزم شاد ببۊن. تفسير کتاب الله ٚ کتاب’ دأنم. دۊ جلده ماشالله خئلي م پيل دنه’. مي شي نئه کي بۊتؤنم تأ قرض هأدئم. مجلس ٚ انتشارات چن سال پيش اين’ چاپ بۊده خئلي
      رؤن بۊ منم يک ته زأکؤن’ قرضأيتم. همه عکسه، اصل ٚ خططي نؤسخه’ جي. مقامات حريري م ندأنم ؤ ندئم متأسفانه. خبر دأنم يکته زأکؤن اۊن ٚ سر کار کأدره.
      کلا اي سربسؤن (منابع) مملکت ٚ کتابخؤنه’ن ٚ مئن درن. ولي اينترنتي نۊبؤن حلئه. خئلي سربسؤنم حلئه بشناخته نۊبؤن چۊن فهرست نيويسيئن ٚ مئن ايشؤن ٚ زبؤن’ ويشترئه زئنن فارسي.

      1. ساق ببي بلاميسر، فقط مره بۊگۊ کي داني تفسير کتاب الله’ کؤيه شا گير أوردن گيلانˇمئن؟

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *